Hallo ik bén Irma Snijders, vur awwere bétter bekéénd as Irm van Jóppe Piet.
Méj is gevraogd of ik ’n blog wil béjhawe, övver ’t wel en wee van de rippetiesies en andere bizzighede die wéj en ik doen as speulers en medewéérekers van de revue.
Di is vur méj ’n hél utjdaging!
Èffe iets övver méj
Althans hoe ik hierbéj terèècht bén gekómme.
Toe ik övver de revuu huuërde, daacht ik béj me zèèlef, gò dè zao ik wal wille. Mèr zòas ’t dukker gé is ‘t ’n sórt bevlieging en dink ik dè ik t’r te awd vur bén. Altans ik dink dè andere dè zalle dinke en lòt ’t dan vare.
Toch zie ik ’t dan wér en ’t blieft méj aachtervòllege. Dan vraog ik ónze Jurgen wà héj d’r van veengt en zin antwoord is snel en kórt: "doe mam!". En zò is ’t begónne.
’n Tidje hiernao woor ik 70 jaor en rejaliezeer ik me dè ik t’r nog alles utj moet hale wà ik kan, want vruuger óppe léggere sjool wao ik mi min vriendinneke Dort op den Drink FILLEMSTER wéére, of in éllek geval beroemd wéére. Dus wil ik gewoon óp min menier nòw KNALLE.
En zò kumt ók de uurste béjénkómst. Um elkaar ’n bietje te lieëre kénne hi Marij ’n paar oefenaovende geplènd. Echt ’t waar lache, mèr ók dè we daachte ’t moet nie gekker wéére, mèr zò rake ge beest snel vréj ónder elkaar en zjeneere ge òw nie um dinge te doe.
Zòas toch af en toe, ónder ’n oefening stiekem stòn te kieke nò die andere, of die ók zò gek doen as ik zèèlef. Ze doen net zò gek.
Zò prebeer ik af en toe iets te sjrieve övver min doe en laote.