user_mobilelogo

Irm van Joppe Piet

 

 

Irm van Jóppe Piet sjrieft…

Éjndelek is ’t zò witj.

Nao ’n óp èn nér en utjzuuke van wà nòw ’t iediejale revuu ijsje is, woor leest ’t pruuveréjke geprissenteerd.
Óns Gert móg às uurste pruuve béj de prissentasie. Nee ze wees nie dè t‘r zòveul béj ware van de kaast. Spannend, want d’r woor ók ’t nééj logo geprissenteerd.

Às we zò zitte te waachte en óns Gert in de tuin kiekt, véélt ur ’n sjòn verhaaltje in. Vruuger toe Gerard Gooden hier nòg wónde mi zin mooder, ware d’r hier veul struuk mi kroesels. Die mooste ze dan van de mooder van Gerard plukke. De émmer vól en às beloning moochte ze dan 5 kórse afplukke. Vraow Gooden bleef t'r wal béj stao zòdè t’r zeker nie énne te veul van de bòm woor geplukt. Nee ’t waar gén goegééfse vraow, mèr dè waar algeménj bekéénd.

En dan de ónthulling, ’t logo is GEWELDIG.

En óns Gert ’n super módel. Iederieën mag iets van de lekkernééj pruuve..mmmm.

En Marij die kriegt ’t aaltidj wér vur mekaar um óns toch wér iets gezameleks te laote doe. 'ne Pólónééze óp zin Marij’s.

Às ’t afgeloeëpe is, gòn Victorien en ik nog lekker ’n wéjntje drinke béj ’t Oranje Hotel.
Dur furrig jaor jao te hébbe gezi tege meedoe èn de revuu, belééf ik wér hél ander dinge en óntmoet ók wér hél ander mènse.