user_mobilelogo

Irm van Joppe Piet

 

 

Irm van Jóppe Piet sjrieft…

‘ne Heerleke zómmeraovend en wéj vergaddere butje.

Irma in de relaxstoelIk bén de uurste en bewónder de relèksstoel van de fam. Schriks. Ieën van de kids li t’r drèk de kusses in, zòdè ik ‘m ók kan utjbróbere. Heerlek lig ik d’r in, allieën d’r in- en d’r utjkómme is vur ’n dame óp lééftidj wal iets zwòrder. Natuurlek woor d’r ’n foto gemakt.

Dòrnao woor d’r begónne mi de dinge die d’r allemòl gedao mooste wéére, en èffe sjèkke wà d’r allemòl waar gedao.

Jao de revuu, ’t wérd ’n geweldig evenemènt. Mèr wà ik ók mèrrek, generasie versjil, mèr dòrövver de vóllegende kieër. Óppe aachtergrónd kwake de kwàkvórse en in de bòm aachter óns flèùtje de veugel, heerlek.

D’r is nog hél wà te doe en jóngste tèlleg in ’t gezèlsjap - Loes - is èrreg zinnewèèchtig. Ze waacht óppe utjslag van ’n tèntame, iets wà èrreg belangriek is um ’t dizze kieër te hale. Às we béjnao klaor zin, kumt de knaller, nao ’n paar menutje en wà getél, JAO ze hi ’t gehald. Iederieën is blééj.

Dòrnao slutje we af. Jeroen nòg bedankt vur de tieë, koffie en de lekkere versnaperinge.