Het vermogen tot het gebruik van taal en spraak zijn het meest kenmerkende van de mens. Daarom deze keer een keuze uit de woorden met betrekking tot deze onderwerpen zoals die in het Mééls Woordeboe:k uit 1991 opgenomen zijn. De woorden tussen ‘aanhalingstekens’ staan daar in.

n ‘prötje’ maake duu iedderieën èn dè kan ‘smèèrges’, ‘smiddes’, ‘saoves’ èn zèlfs ‘snaachs’. ‘Niemmes’ hi dòr ‘aaltitj’ ‘titj’ vur, mèr in ‘n ‘menutj’ kan sóms òk al ‘sèmmelek’ veul vertéélt wéére. ‘t Stélle van vraoge as ‘hoente?’, ‘hoewitj?’, ‘wòrrum?’, ‘waffer énne?’ èn ‘harrege?’ kan ‘n gesprèk èn de gang haawe. Èn dòrbéj hoeft ‘t nie ‘allieën’ övver ‘geestere’, ’t ‘furrech jaor’ òf ’t witjere ‘vléjje’ te gao. Wa zin de planne vur ‘mèèrgevruuch’, vur ‘övvermèèrege’ òf vur de daag dernao: ‘zóndich’, ‘mòndich’, ‘dinzich’, ‘woenzich’, ‘dónderdich’, ‘vréjdich’ òf ‘zòtterdich’?

‘Hérrege’ al ‘iemmes’ gevraocht um in ‘t ‘naojaor’ ‘dréj daach mi òw’ te gòn wandele? ‘Nòmmenant’ òf ‘nòvvenant’ ‘iemmes’ ‘titj hi’ kan afgesprooke wéére ‘hoewitj’ de wandeling zal wéére: ‘tie:n’, ‘twénjtjich’, ‘dartich’ òf mesjiens wal ‘fértich’ kiellemééter. ‘Gao ge’ fietse dan zin afstande van ‘entrint’ ‘fieftich’, ‘seestich’, ‘suvventich’, ‘taachtig’ òf zèlfs ‘niggentich’ kiellemééter óp énnen dach meugelek. Dè doerrege nie zoeë mèr ‘éfkes’ èn ge moet meekérres ’n ‘hórtje’ reuste. As ge ‘vérrich’ béént mi de tòcht zallege blééj zin dè de fiets ‘allek’ is geblivve.

‘Tizzewórrech’ is ‘t ‘évvel’ wal wa gemèkkeleker um unne goeje ‘afloeëp’ te krie:ge. Óp unne fiets mi óndersteuning kénnege dè ‘beweezje’, mèr d’n ènkoeëp van zònne fiets koost netuurlek flingk wa: óp z’n minst ‘duzjent’ èn ‘n paar ‘hóndert’ euroo. ‘Bétterkoeëp’ kan meugelek ók wal: örges óp ‘n ‘bladzééj’ in de ‘gezit’ sté mesjiens wal ‘n atvertènsie mi ‘n ‘dózinj’ medèlle. Èn dan hérrege nòch mèr ‘n ‘gedélte’ van ‘t ‘groeët’ ènbót.

We roepen belangstellenden op om met aanvullingen te komen. Dat kan door een bericht te sturen via het contactformulier.